Plato Cafe & Bistro (裕民坊YM²)

平時搭巴士見到，原來裕民坊最上面3樓有花園平台，又有餐廳，非常之有feel，所以今次諗住試吓。今日星期六呢間西餐廳有晚市套餐，非常抵食，仲有喺門口見到竟然有意大利雲吞的套餐，真是買少見少。我哋叫咗一個意大利雲吞套餐，一個ribs配薯條同沙律，仲叫多個appetiser 白汁青口。每個套餐都有香濃的蕃茄湯，非常開胃。白汁青口很新鮮，煮得非常之入味，上面的麵包碎是自家烘的，不像是現成買回來超硬超𠝹口的。意大利雲吞芝士味豐富，大大隻，蕃茄汁非常之入味，上面仲有少少火腿片同埋菇，真的是必叫。豬肋骨非常之厚肉，醬汁入味，最欣賞的是由新鮮沙律菜，非常之多款式，伴碟薯條炸得10分香脆。水果冰茶有真果肉喺底，茶味香濃，最啱食完西餐飲番杯。