十二味 (山市樓) (Closed)

十二味系列嘅餐廳愈來愈多，我就試過佢哋嘅貴陽粉，烤魚。今次就想試一試佢嘅川菜，我哋一行八個人嚟都嘅時候大概七點幾但係已經排隊排到出門口。除咗川菜常見嘅水煮牛肉酸菜魚之外，呢到還有招牌嘅自選香鍋，呢個香鍋我喺內地曾經試過，係我其中一個最喜歡食嘅川菜系列。因為佢可以揀選自己喜歡嘅配料嚟製作一個鍋，我今次嘅鍋雖以素為主，但係選擇都非常之多。萵筍，蓮藕片，海帶，豆皮，全部都係我喜歡嘅。味道以麻辣味為主，帶點孜然粉香，一顆辣椒嘅辣味剛好，太辣反而會破壞材料的味道。食完辣野之後記住要食返一個甜品，呢度就有我最鍾意食嘅紅糖糍粑，黏黏嘅口感加上同糖嘅香甜，非常滿足。不過大家要記得呢一度一張枱最多可以坐到七個人，如果想大伙人慶祝嘅話呢就首先要訂位，訂啲相鄰嘅位置就可以一齊慶祝。