花月庭 (Closed)

今日懶得平日放假，於是上網搜尋有咩下午自助餐可以食，然後偶然見到呢一間餐廳做緊特價，然後膽粗粗電話冇預約地就去試吓walk in。問侍應可唔可以用OpenRice呢個$225，侍應話呢個價錢需要一早電話預約的，所以我哋只能夠元加75折。因為見到有大富翁嘅裝飾物，貌似好似幾吸引，於是就決定試吓！初次光顧呢一間酒店嘅自助餐，可能因為下午自助餐嘅關係，所以好多食客都係上咗年紀嘅。首先我覺得座位比較迫，講嘢相對冇私隱，有幾次我哋講嘢，隔離枱都響度搭訕整體上選擇又唔算特別多，雖然有生蠔，不過質素都唔高。第一轉食嗰時，有一陣生銹嘅味隔咗一個鐘見到好似轉左第二種品種嘅蠔，先敢食第二次，果次就比較好啲。呢個價錢有咁嘅質素可以接受，服務態度都唔錯。