豚豚食堂

Open Now

Now Closed

平時下午茶都係食茶餐廳多，今日經過綠楊坊見到一間開咗冇耐嘅日式餐廳，於是入去試吓，店員仲好有心話我知點午餐的話係 2:30 下午茶呢段時間有折扣 。我點咗黑豚拉麵，配燒多春魚小食，加埋杯凍檸茶少冰黑豚拉麵湯底蒜油味香濃，不會太油膩，麵質彈牙不會太淋，三塊豚肉加埋其他配料，整體碗麵抵食好味的。重點係燒多春魚，師傅手勢好好，多春魚燒到皮香脆身，真正的鹽燒，咬落仲有少少汁咇出嚟，好技術，魚香美味，一般好多時啲師傅會燒得太乾，豚豚食堂呢個師傅就燒得剛好，值得一讚。凍檸茶茶底都 ok ，大家不妨去試吓！