娜吧

Open Now

Now Closed

今日行過北角AIA大厦，見到一間酒吧好特別，因為佢係有日本拉麵食，於是就入去試一試。酒吧內有一架好大既飛機係半空令人好懷念搭飛機。餐牌上有幾款拉麵選擇，而且逢星期三午市仲有3人同行一人免費認真抵食，我地就叫了自家制黑豚叉燒拉麵同三文魚沾麵，2大塊叉燒起碼等於其他拉麵店4塊叉燒，而且叉燒店舖自家制所以又淋又入味，麵底又彈牙加上唔會煮到淋曬真係食到雪雪聲，拉麵最重要就係湯底，湯底清甜又有濃郁豬骨味，另一款沾麵好特別，因為上枱時會有煙霧既效果，增加對這個沾麵既好奇心，麵是用上類似台灣kiki麵質加上店舖自加制既醬汁食落不會乾身又有豬肉味，而且仲有另一種食法就係點芥末豉油，這種食法好合適鍾意食辣既朋友，最後加上一杯清啤，估唔到食拉麵加啤酒既組合咁特別。