嚐麥手作

Open Now

Now Closed

印象中都幫襯咗兩年，一般隔幾個月先嚟一次買包包，隔咗一段時間再嚟就發覺會有啲款式轉咗。有事無事都用麻薯波波醫牙痕，見朱古力味得番兩包就掃番包，家中有菠蘿包迷，而且見佢仲混合綠茶，抹茶味唔算好濃，但面頭層菠蘿酥都幾厚身且脆。見有個插住一截仔百力滋扮蘋果柄，扮哂蘋果樣嘅包，有幾粒南瓜籽喺面似乎扮蘋果核，cute cute地又俾我掃埋，裡面原來有啲類似蘋果批嘅餡，少少酸。原來鴻福堂新出薑黃荳奶，咁啱呢度有得賣，難得成份算少化學嘢，得：水、有機大豆、蔗糖、薑黃粉、食鹽，少甜夠薑黃味，啱呢啲秋冬天氣飲。買咗上述成堆嘢盛惠$56。