鯛魚魚湯專門店 (Closed)

公司係附近，做左兩年幾，第一次黎食呢間烏冬。平日lunch時間呢間鋪好多人食要等位，好彩我早先可以唔洗等直入我點左一個汁燒雞扒魚湯烏冬，第一啖飲佢個湯，睇佢個樣好似好清淡，但飲落真係幾有驚喜！有好濃既魚味，好鮮甜，令人一飲就愛上。再食佢個烏冬，好彈牙，完全唔係係超市買一包包果種，應該係手打烏冬黎。烏冬配埋個鯛魚湯真係絕配！而個雞扒就不過不失，係普通平時食開既照燒雞扒味道。見佢仲有湯飯，我諗個鯛魚湯配飯應該都幾好食。價錢70幾80幾蚊都有唔少選擇，lunch黎講唔算平，但係質素取勝，以後食lunch多一間可以揀！