青茶萃萃 (Closed)

銅鑼灣嘅台式飲品閂完又開新嘅，開到四圍都有。喺渣甸街入邊，已經有四五間咁多。今日經過見到呢一間青茶萃萃新開張，係買一送一吸引到我嘅視線。但原來買一送一嘅飲品只有幾款，最後由於送嘅野唔合心水無揀到。好彩無優惠嘅野都好飲。一杯係芝士桃桃，佢上面有奶蓋，仲有新鮮嘅桃果肉，同埋一啲類似大粒西米露嘅好有嚼頭嘅粒粒。奶蓋芝士味都調得剛剛好，好怕其他地方嘅奶蓋鹹味太重，溝埋落甜既飲有少少怪，但係呢杯絕對冇呢個感覺。另一杯係紅豆特調抹茶，原來上面係有cream，如果係想食得健康少少，可以預先叫走cream⋯⋯