Video
Read full review
2018-09-22
1095 views
尖沙咀係繼旺角之後，又一放題的龍頭地。平時行街都會經過的炉端金，以為食日本菜，原來又係另一間放題店。價錢未必係最經濟，不過食的食物種類都好多。一坐低，店員首先送上一個刺身拼盤，今日惠顧仲送龍蝦。刺身拼盤都幾豐富，除咗一般嘅三文魚、吞拿魚、甜蝦等等之外，仲有油甘魚、北海道帆立貝以及海膽，我諗鍾意食海膽嘅人一定會好開心。放題黎講488可能真係有少少貴。不過如果你好鍾意食生蠔就唔係咁講了！因為有2款生蠔無限量供應，今日有南菲和日本兵庫県產生蠔。係香港比較少機會食到來自日本的生蠔，有呢個機會就可以大吃特吃。日本生蠔大隻，肉質好爽，又creamy! 幾時都係我至愛。除左日本生蠔，仲有自助沙律和海鮮。鍾意食海鮮的人不可以錯過！自助飲品仲包括大吟釀，柚子酒，抹茶梅酒呢類相對貴價的日本酒！仲有築地直送的鮮魚，有𩶘魚，間八等等，幾新鮮。呢類白身魚出面比較少有，更何況係築地直接，百分百飛機貨。熟食方面選擇亦唔少！不過今次無試過呢間的燒物，只叫左少少天婦羅和炸物。比較驚喜嘅係有骨付腸。海膽海皇粥粥底好面或，入海有淡淡海鮮嘅清甜味。不過份量就大左少少，食晒一碗應該會好飽。最後，同男朋友各自叫左碗手打烏冬。他叫
尖沙咀係繼旺角之後，又一放題的龍頭地。平時行街都會經過的炉端金，以為食日本菜，原來又係另一間放題店。價錢未必係最經濟，不過食的食物種類都好多。
一坐低，店員首先送上一個刺身拼盤，今日惠顧仲送龍蝦。刺身拼盤都幾豐富，除咗一般嘅三文魚、吞拿魚、甜蝦等等之外，仲有油甘魚、北海道帆立貝以及海膽，我諗鍾意食海膽嘅人一定會好開心。
放題黎講488可能真係有少少貴。不過如果你好鍾意食生蠔就唔係咁講了！因為有2款生蠔無限量供應，今日有南菲和日本兵庫県產生蠔。係香港比較少機會食到來自日本的生蠔，有呢個機會就可以大吃特吃。日本生蠔大隻，肉質好爽，又creamy! 幾時都係我至愛。
除左日本生蠔，仲有自助沙律和海鮮。鍾意食海鮮的人不可以錯過！
自助飲品仲包括大吟釀，柚子酒，抹茶梅酒呢類相對貴價的日本酒！
仲有築地直送的鮮魚，有𩶘魚，間八等等，幾新鮮。呢類白身魚出面比較少有，更何況係築地直接，百分百飛機貨。
熟食方面選擇亦唔少！不過今次無試過呢間的燒物，只叫左少少天婦羅和炸物。比較驚喜嘅係有骨付腸。
海膽海皇粥
粥底好面或，入海有淡淡海鮮嘅清甜味。不過份量就大左少少，食晒一碗應該會好飽。
最後，同男朋友各自叫左碗手打烏冬。他叫味噌，我叫了地獄湯。地獄湯真心好辣，唔係講笑，食到出哂汗。個湯好刺激！一分錢一分貨的確係冇錯。這個放題都好適合好鍾意食海鮮，尤其係食生蠔嘅朋友，其實剩返半打已經抵左好夠！一路食住生蠔，一路飲處餐廳提供嘅白酒，除咗食放題之外，原來都可以試埋西式享受。
Post
