有料案內所 (毓雅里) (Closed)

喺門口已經見到佢嘅招牌有幾咁特別，好有心齋橋嘅感覺😂😂我地平日6點左有到左，好彩都唔使排隊，入邊嘅環境裝修都係好特別😍😍係用手機落單，本來以為呢度只係有甜品食，估唔到都有幾款鹹食，我地叫左wasabi明太子章魚燒八粒（$42）、松葉蟹棒芝士大阪燒（$53）、炙燒焦糖麻薯窩夫（$78）、有料士多啤梨沙冰（$39）、熱情果靜岡烏龍（$24），佢嘅小丸子都不過不失🤣🤣，最有驚喜係大阪燒，好厚又好足料，而且有好多醬，食落一啲都唔乾，而且份量都唔少👍🏻👍🏻，嚟到最重要嘅甜品環節haha，上面嗰層好香蛋同奶味，好似食緊焦糖燉蛋咁，都幾唔錯☺️☺️飲品就不過不失，不過如果嗌甜品多嘅話，就最好叫茶飲😍另外屯門都有分店！