牛涮鍋 (Closed)

朋友都係刷得之人，自助火鍋係好好選擇。間舖都幾好生意，每晚只留三份一供訂位，訂唔到就要walk-in。有時要排一個鐘以上。$108的平價牛比較嚡口，$138起的就好食好多。豬肉都唔錯，幾滑。最重要係真的任點任食。不過，侍應補充的速度有時不及我們食用的速度，要等。湯底有清湯，唔太辣的泡菜、豆乳、昆布或日本甜豉油。其他配料尚有芽菜、娃娃菜、西生菜、京蔥、韭菜、豆腐、烏冬、芝士腸、鮮冬菇、番茄、珍珠筍、金菇、雞髀菇、墨魚滑......湊米氣的有珍珠米及和牛五目飯任裝。醬料有醬油、柚子醋、日式麻醬、蔥花、柚子沙律油、山葵醬油、五味粉。整體來說，食材算新鮮，不過胃口大的我，90分鐘未必夠盡興。平日一至四食清檯上食物可得綠卡一張，可以再幫趁可以免費任飲汽水。