糖太子甜品 (Closed)

甫入糖太子糖水店，感覺很舒服，以白色為主既裝修感覺很乾淨。細看餐牌，原來呢度有晚餐嘅套餐，有意粉，飯，扒，通粉等選擇，可惜已吃飽左晚餐，唔係可以試吓。再睇吓甜品嘅餐牌，有窩夫，乳酪，及中式甜品等選擇，款式都幾多。愛好芒果嘅我叫左芒果樂園，入面有好香滑嘅牛乳布甸，仲有芒果爆珠同埋水晶珠，口感幾豐富，配上濃郁嘅芒果汁底，啱晒芒果狂。友人叫左個夢幻樂園，有好多雜果，仲有啲椰果同埋水晶珠，同樣係芒果汁底，顏色繽紛，感覺好清新。