檳城餐廳 (Closed)

今日叫左碟冬陰功炒飯，飯未到，聽到旁邊另一位呀叔投訴佢個碟冬陰功炒飯有異物，但隔得遠我睇唔到。個侍應hea住道歉，又話唔小心姐，態度差，之後呀叔換左碟炒河。隔左5分鐘到我個碟炒飯上枱，我當然望真啲，表面睇無事，咁就開食。一啖邊食邊再check真啲碟飯，一撥之下，有隻曱甴係飯入面！即刻大叫侍應，飯入面有曱甴。侍應快快手拎走我碟飯，再俾餐牌我叫過其他。連續兩碟唔乾淨，擺明係衛生有問題。仲有，經理無出現過，又係大事化小再化無嘅手段。