韓閣 (Moved) New Location

因為我地得兩個人，所以安排左面對牆既位置我地坐。我地叫左幾次，先有職員幫我地落單，人手唔係好夠？！叫左個甜辣炸雞，人蔘雞湯，芝士泡菜煎餅，一枝柚子燒酒，一枝水蜜桃汽泡酒。炸雞上檯好熱，有俾手套，係雪藏雞，死鹹，肉都滑既，係食甜辣醬個味～～煎餅既芝士唔係拉絲果隻，麻麻地，邊邊位都焦脆。人蔘雞湯，入面都係有糯米紅棗，但湯係清清淡淡，無咩蔘味，但有幾枝蔘係入面，雞肉煲得好軟腍，連骨都碎埋，但糯米可能浸得唔夠時間。酒果啲就唔洗點講，當時叫左枝汽泡酒，但要係倉拎過黎，唔凍，職員幫我地雪凍左，先再拎俾我地。