禮賓傅 (Closed)

有朋自遠方來歸來，平時食慣西餐，一返嚟香港梗係要食返中餐啦。呢間禮賓傅，之前幫老細book過一次位，佢話好好食，今次就豪一豪佢，輪到我來食啦。羊城鴿鬆將乳鴿肉切碎再混合埋啲菇啊肉碎啊等等一齊去炒，放佢喺生菜上面，賣相一流。見到個塊生菜嗎？條邊仲要係修剪過嘅，心意可嘉。而且炒肉碎配埋生菜一齊食，口感清新，唔會覺得油膩。鵝肝蝦多士多士脆卜卜，上面配有鵝肝同埋蝦，夠哂豐富。平時食多士最怕成口油，但呢個炸得唔錯。不過鵝肝略嫌份量少左啲，唔係好食到佢嘅味道。羊肚菌燉螺頭呢個湯真係不得不讚，味道鮮甜到呢...羊肚菌味道比較濃郁一連埋豬肉一齊燉螺頭，鮮味非常，每一啖都係精華。西蘭花炒帶子呢件帶子不得了，大大粒不特止，仲要外皮煎到夠晒脆，但裏面keep住嫩滑。入口嗰種外脆內軟嘅感覺的確令人驚喜。香港炒飯個炒飯睇落平平無奇，但食落粒粒分明，而且好乾身唔油膩。加啲蔥呀、肉粒呀一齊炒，用料普通但係味道一啲都普通。合桃糊望落個樣杰撻撻，啱晒我心水，食落唔會粉，而且合桃味好香，做飯後甜品一流。呢餐飯絕對滿足到朋友仔嘅思鄉之情，喺香港食完咁靚嘅中餐，返到去都唔知食咩好lu。