Video
Read full review
2016-03-01
2383 views
睇經濟日報介紹，話呢度係全港提供最多手工啤選擇的餐廳，朋友從悉尼回港度歲兼約飯聚，於是我第一時間話想試呢間~門口放啤酒的冰櫃一字排開，真係幾煞食，唔打得都嚇得！循例一坐低先揀幾支啤啤佢先，我哋叫職員介紹吓，第一round叫咗支包裝似迷你香檳的比利時啤、台灣限量的榖雨和荔枝啤。支比利時啤叫FARO，好酸，但好啱飲，因為酸，所以覺得好開胃，好想食嘢，於是連隨點菜，叫咗炸雞，仲有安格斯肉眼扒、牛排骨、五花腩，其他唔記得咗……炸雞籃：比想像中多雞腿，好好送酒，因為等唔切慢慢燒肉，幾分鐘已經畀我哋掃晒~ 安格斯肉眼：可能我哋早到，店內未見好多客，職員好主動替我哋燒，生熟剛剛好，而且塊肉都幾厚，我哋三條友分，一人分到三大嚿都唔止，幾抵食。穀雨：係鐵觀音釀的啤酒，之前從未飲過呢類，入口真係有茶香和茶味，特別之中係好飲嗰種~荔枝啤：係好香荔枝味，但入口偏甜，個人覺得麻麻，不過我個friend覺得好飲~第二round又叫多兩支啤酒，今次一大一小……OPA：大嗰支，係apple cider，出面酒吧賣的多數都有陣藥水味，呢款完全冇，仲有少少果肉，味道偏酸（我like酸），又夠大支，全枱都覺得好飲又抵飲~D
門口放啤酒的冰櫃一字排開，真係幾煞食，唔打得都嚇得！
循例一坐低先揀幾支啤啤佢先，我哋叫職員介紹吓，第一round叫咗支包裝似迷你香檳的比利時啤、台灣限量的榖雨和荔枝啤。支比利時啤叫FARO，好酸，但好啱飲，因為酸，所以覺得好開胃，好想食嘢，於是連隨點菜，叫咗炸雞，仲有安格斯肉眼扒、牛排骨、五花腩，其他唔記得咗……
炸雞籃：比想像中多雞腿，好好送酒，因為等唔切慢慢燒肉，幾分鐘已經畀我哋掃晒~
安格斯肉眼：可能我哋早到，店內未見好多客，職員好主動替我哋燒，生熟剛剛好，而且塊肉都幾厚，我哋三條友分，一人分到三大嚿都唔止，幾抵食。
安格斯肉眼
88 views
1 likes
0 comments
荔枝啤：係好香荔枝味，但入口偏甜，個人覺得麻麻，不過我個friend覺得好飲~
兩款台灣啤
90 views
1 likes
0 comments
OPA：大嗰支，係apple cider，出面酒吧賣的多數都有陣藥水味，呢款完全冇，仲有少少果肉，味道偏酸（我like酸），又夠大支，全枱都覺得好飲又抵飲~
Diable：呢支紅魔鬼招紙我以前飲過，同記憶中一樣好，同肉味都幾夾。
五花腩：開始有其他客，我哋自己燒，但有點生手，寧願熟得滯都唔要冒險，結果膿咗少少，但仲脆口咗。
五花腩
84 views
1 likes
0 comments
全肉宴有點滯，所以有人要求嗌多個菜籃平衡吓（其實已經好飽，仲話要食粟米，唔知咩理論）。
Other Info. :
飲手工啤真係幾好玩，一支大家share飲，一晚可以試好多口味。
有些味，你鍾意時我唔鍾意，我鍾意時你又話苦，傾吓玩吓又一晚，各位如果有類似提應的餐廳推介，不妨分享吓。
(The above review is the personal opinion of a user which does not represent OpenRice's point of view.)
Post
