Deer Kitchen (Moved) New Location

見好多好評，之前都試過幾間觀塘工業區西餐都唔錯，有點期望去試。食老婆生日飯。去到見到有龍蝦餐又有龍蝦又可以有扒鋸就即刻決定落單。個餐包3個courae。前菜揀左帶子同鵝肝多士。鵝肝多士都算香口合格，但係帶子同三文魚子食落就有腥味，用料唔靚。我雖然對腥味係比較敏感但係其他地方食過煎帶子都唔會有依種感覺。湯係龍蝦湯，但係好咸，除左咸味講唔出其他感覺。主菜叫左羊架同牛扒，每款都跟半邊龍蝦。個牛扒係最失望嘅地方，話說係A3和牛但係成塊都勁多筋搞到成個感覺都係好un。龍蝦肉質唔太新鮮。整體食物唔夠熱。最後想講係餐茶，叫檸茶檸水都係已經加糖水。仲要凍飲加3蚊。可能我期望係一間西餐廳，但係見到嘅係變左茶餐廳格局，但係埋單係8百幾兩個人。可取之處係環境算舒適，唔太逼都唔會太嘈雜。服務員都態度好好。