One Little Room (Moved) New Location

見到佢有蛋餅，好似幾得意，於是去試下。雖然佢係紅磡，不過離火車站都算遠遠地，我地行左都20多分鐘先到，個到都近土瓜灣既馬頭圍道。大概12:15左右去到，都已經有兩台人坐左係到。佢地方唔係好大，得3、4張檯左右，不過好有格調，有一面牆係用英文舊書既紙貼滿曬。個日佢仲有位靚女姐姐侍應係到（大概30之內），好好禮貌，態度親切。我地叫左「傳統西班牙蛋餅」同埋「卡邦尼意粉蛋餅」。都要等一陣先上到黎。「傳統西班牙蛋餅」除左蛋，材料有煙肉、薯仔、甜椒、洋蔥、芝士。咬落去味道係甜既，之後都香口，大概有煙肉、洋蔥，所有材料都好夾，味道唔會相撞「卡邦尼意粉蛋餅」除左蛋，材料有煙肉、洋蔥、芝士、意粉、香草。大家見到呢張圖係整比我既第二個蛋餅，即係重做既，因為第一個d意粉生啦，有好多生蛋汁，好似未熟咁，完全接受唔到，開口同佢地講。佢地都好好肯換比我，所以我比個like佢。第二個整上黎就好好多，無左生蛋汁、意粉唔生，好多煙肉，味道ok。不過，有個感覺好似食緊卡邦尼意粉撈蛋咁。總結，呢間服務都幾好，食物唔差，又有格調，都舒服既（下次最好冷氣可以大少少），可以去試下，佢仲有All-day breakfast同窩夫。