The Grill Room (銅鑼灣廣場二期)

呢度好有情調，非常適合約會，服務又好，除左食物質素好，餐具都好靚。嚟到有番咁上下水準嘅餐廳，我都會特別留意佢地啲餐具，尤其是牛扒刀😆。🥩香煎慢煮牛柳伴日本南瓜杏鮑菇 配 牛肝菌牛肉原汁真係五成熟，心係粉紅，好多肉汁，牛柳好冧，當然都關把刀事，把日本刀好好切。牛柳本身夠牛味，反而個牛肝菌汁唔係好出。杏鮑菇個醬汁做得好好，令到個菇鮮甜又好夠味。🐷煙燻香脆乳豬伴焦糖菠蘿 配 古斯米沙律真係用煙燻盒㗎，畀你睇完之後就去切件上碟。乳豬皮非常脆，好似薄脆薯片，有一兩舊少少肥，肉嫩多汁。古斯米沙律俗稱非洲小米，原來唔係米😅，食落粗鞋，當中有提子乾香草，食落甜甜地，單食就麻麻地，不過配乳豬食就剛好，中和到個肥膩感，幾得意。飲品：Cocktails🍹Berry well好靚😍，女仔實鐘意，白酒底，飲落甜甜地，伴隨薰衣草香氣。🥃Smokey Passion好得意，嚟到係酒杯噴幾下煙燻過嘅烈酒，中間有舊大冰，好有whiskey加冰嘅感覺，不過有熱情果嘅酸中和左烈酒，又幾易入口。最後叫左個🍰香提撻作為完美句號擺盤靚，個碟都好靚。撻面有金箔，好華麗。撻皮好脆，甜度適中。