M18 (Closed)

成日夜收工, 放工都想離開一下平時去開既地方食飯, 抖一抖氣, search到樂富呢間餐廳都好似幾得, 反正放工搭車都經過, 試下啦~其實M18都係美心的, 佢前面都係賣緊美心既麵包同蛋糕, 未試過, 唔知同美心西餅有無分別~ 隔離就有幾張檯, 可以堂食的, 先買飛, 自己搵位, 攞住個牌就有人拎埋黎, 唔係得麵包, 有意粉果D輕食, 隊長叫左個焗千層麵食, 跟埋個湯, 係雜菜湯, 普通快餐貨式啦, 無乜料果隻, 對個湯唔好抱有咩期望; 由於焗野, 飲完個湯都未黎個千層麵, 無聊望下個號碼牌寫住"忘了時間的鐘", 又幾得意, 個牌係專登整架喎, 唔好睇住個鐘諗住D野幾快可以送到埋黎, 放鬆下啦, 香港人~ 千層麵終於送到, 真係即製, 拎埋黎仲見到D芝士之之聲甘彈起, 食落個肉醬多左D, 好似食緊肉醬多過食千層麵, 不過味道都唔錯, 唔會太咸/太淡, 而且肉醬都夠多肉, 都幾香, 重點當然係熱騰騰甘拎到埋黎, 芝士味撲鼻, 同平時係快餐食肉醬意粉係有分別的, 高級版快餐, 又坐得舒服D, OK喎~