Video
Read full review
2023-01-30
50 views
呢間餐廳係pet-friendly，有室外同室內座位，可以帶埋毛孩一齊嚟食晚餐！餐廳裝修光猛闊落，仲有唔少梳化位可以選擇，坐得幾舒服！嘢食方面就有意粉、Pizza、扒類嗰啲，款式幾多，而且食材高質，仲有星期一至日都可以叫嘅dinner set，好抵食！雖然喺康城遠咗少少，但勝在餐廳食物高質抵食又有情調，不失為一個慶祝、撐枱腳嘅好地方！------------------------------◖二人餐◗ $328套餐可以選擇一人、二人、四人份量，包餐湯同主菜，可以額外加錢加埋前菜、甜品嗰啲～/是日餐湯餐湯好香忌廉味，口感綿滑～/三文魚沙律 +$30有幾片煙三文魚，菜底係新鮮嘅羽衣甘藍，加咗少少蜜糖芥末醬，味道好清新！/龍蝦湯 +$30龍蝦湯好足料，拎咗啲蝦殼蝦肉去熬出嚟，迫晒啲蝦油出嚟，超級香龍蝦味又鮮甜，味道濃郁有層次！欣欣向榮/嫩煎BBQ豬梅扒豬梅扒用咗慢煮嘅方式，識落肉質依然鮮嫩，唔會乾柴，面頭嘅燒汁大有少少菠蘿味，均勻沾上啲肉到，消滯又解膩～食完仲有娃娃菜、烤菠蘿清一清！/烤紐約客牛排 +$200牛排揀咗7成熟，依然比出面煎得偏生，裏面啲肉呈粉紅色，勁吸引！香煎過之後，外面微
------------------------------
◖二人餐◗ $328
套餐可以選擇一人、二人、四人份量，包餐湯同主菜，可以額外加錢加埋前菜、甜品嗰啲～
/是日餐湯
餐湯好香忌廉味，口感綿滑～
/三文魚沙律 +$30
有幾片煙三文魚，菜底係新鮮嘅羽衣甘藍，加咗少少蜜糖芥末醬，味道好清新！
/龍蝦湯 +$30
龍蝦湯好足料，拎咗啲蝦殼蝦肉去熬出嚟，迫晒啲蝦油出嚟，超級香龍蝦味又鮮甜，味道濃郁有層次！欣欣向榮
/嫩煎BBQ豬梅扒
豬梅扒用咗慢煮嘅方式，識落肉質依然鮮嫩，唔會乾柴，面頭嘅燒汁大有少少菠蘿味，均勻沾上啲肉到，消滯又解膩～食完仲有娃娃菜、烤菠蘿清一清！
/烤紐約客牛排 +$200
牛排揀咗7成熟，依然比出面煎得偏生，裏面啲肉呈粉紅色，勁吸引！香煎過之後，外面微焦，裏面鮮嫩又多肉汁，就咁食或者點佢嘅香草蒜蓉醬都好正！
◖ Common Cold Brew Coffee◗ $55
呢個係佢哋自家出嘅罐裝cold brew，咖啡味好濃，咖啡豆嘅香味仲keep得好好，味道好fruity，有少少汽飲落幾得意～
🌟Encore指數：8.5/10
Post
