Grill n More (Closed)

今晚我們去咗將軍澳Popcorn商場嘅Grill n More食韓國燒烤放題！他們嘅款式種類超多！燒肉類有我最愛嘅牛肉款式牛仔骨、牛舌、一口牛同其他各色各樣嘅豬肉鷄肉魚肉同腸仔等等等等⋯⋯牛仔骨醃得相當入味，肉質嫩滑，好多肉汁！一口牛嘅牛肉味好濃郁，肉質幼嫩，同埋一口一啖非常方便，最啱女士們食！刺身有幾款選擇，但每位人客每次限選兩款，如果想食齊幾款就要行多幾次喇！熟食類我最愛嘅炆牛尾、燒賣、沙薑鷄腳同豬腳薑等等等等⋯⋯炆牛尾炆得好腍好入味！豬腳薑就失色咗小小，薑醋嘅味道比較淡同比較稀！甜品類士多啤梨朱古力噴泉、朱古力蛋糕、豆腐花等等等等⋯⋯最特別嘅係有爆谷，同埋可以自己整嘅棉花糖！真係非常特色！