Video
Read full review
2017-07-01
244 views
又一個一家大小老嫩唔知食乜好嘅假日晚上，身為家嫂老婆媽咪嘅我就肩負起揾好嘢食嘅責任。搜索一輪決定近近地試新嘢。一去到門口就見到一個小小兒童遊戲區，就响我家兩位小姐衝埋去之前，媽咪我二話不說拖實佢哋，約定食完飯再出嚟玩，（因為真係好鬼肚餓）。當然我要做個守信用嘅媽咪，食飽飽就出返去碌吓啦～😁嚴夏就梗係配凍飲啦～响一間用海洋為主題嘅餐廳就更需要有一杯海洋風特飲襯托下（好藉口）於是大小姐就決定叫呢杯👇見到都開心呀! 直頭去咗海灘度假咁😎有得食! 有得食! 先嚟三文魚魚子炒飯。個飯炒得ok,呢款米較長身好，啲三文魚無炒到好乾，仲保留到三文魚嘅甘香，再加上魚子嘅喊香味，唔錯喎。再嚟一碟海蜆扁意大利麵。本來不寄予期望，誰知隻义翻起嘅係蜆多過麵!仲要啲蜆係好大隻，雖然預咗會係急凍嘅（估下咋。）但又幾有蜆味同唔霉，呢個我幾鍾意。再嚟一客係今餐嘅心水推介：炸磨菇呢個真係好好味，不過大家食時真係要小心啲。。。事關佢係即炸，都唔緊要，奇就奇在佢炸到裡面有好多磨菇汁流出嚟! 咬落去嗰下真係“辣親”！個“辣”完之後，啲磨菇香味就飄出嚟，再加埋頭先啲汁，好味到一個點呀～之後仲有夏威夷pizza 薄批，芝士好多好
一去到門口就見到一個小小兒童遊戲區，就响我家兩位小姐衝埋去之前，媽咪我二話不說拖實佢哋，約定食完飯再出嚟玩，（因為真係好鬼肚餓）。當然我要做個守信用嘅媽咪，食飽飽就出返去碌吓啦～😁
嚴夏就梗係配凍飲啦～响一間用海洋為主題嘅餐廳就更需要有一杯海洋風特飲襯托下（好藉口）
於是大小姐就決定叫呢杯👇
見到都開心呀! 直頭去咗海灘度假咁😎
有得食! 有得食!
先嚟三文魚魚子炒飯。
個飯炒得ok,呢款米較長身好，啲三文魚無炒到好乾，仲保留到三文魚嘅甘香，再加上魚子嘅喊香味，唔錯喎。
再嚟一碟海蜆扁意大利麵。本來不寄予期望，誰知隻义翻起嘅係蜆多過麵!仲要啲蜆係好大隻，雖然預咗會係急凍嘅（估下咋。）但又幾有蜆味同唔霉，呢個我幾鍾意。
再嚟一客係今餐嘅心水推介：炸磨菇
呢個真係好好味，不過大家食時真係要小心啲。。。事關佢係即炸，都唔緊要，奇就奇在佢炸到裡面有好多磨菇汁流出嚟! 咬落去嗰下真係“辣親”！個“辣”完之後，啲磨菇香味就飄出嚟，再加埋頭先啲汁，好味到一個點呀～
之後仲有夏威夷pizza 薄批，芝士好多好香，嗰批底脆脆地都唔錯。
讚咗成晚，點都有嘢彈嘅~ 呢份牛柳係成餐最貴個最唔好食嘅！啲肉一啲牛味都無，得個大字，又有筋，墊底嗰啲豆同粟米仲有味過塊扒，總之就係唔好食！叫多兩款小食好過。。。
總括而言，佢哋嘅環境好有海灘feel，食物都算唔錯嘅。係依家個個都日韓料理滿街嘅情況下，呢間係較特別又幾好嘅選擇，間中去下都ok㗎。
Post
