肯德基家鄉雞 (KFC) (Closed)

大清早來到KFC開Party，有夠難受，食野唔洗比錢確是賞心樂事，性格使然，除非是「公式飯局」，否則寧可自己掏腰包，也不要欠下人情債。9點未到，叫了個魚柳併雞肉通做早餐，對上一次幫襯肥佬上校已是數年前的事，想不到接下半年，都要同肥佬打交道，都好，起碼唔係同M記打，都未算衰到盡．．．．．．說魚柳併雞肉通，魚柳炸定放「乾」，有夠柴皮，肉散，都算是異數，此品做得難食比做得易食更難，真佩服他們的手勢，偶就真的學唔到，通粉料少少，湯十足，都無乜好彈，通粉叫做唔散，唔腍，交到功課架啦！之後同KFC的客人吹左陣水，問過6個客，有9成話環境好，1成話食物掂，而個1成，當然係著紅衫講的。話時話星期五會有新料出。