Video
Read full review
2013-02-25
192 views
尋晚因兩位外籍朋友話想試吓打邊爐，就問人有咩好介紹，被介紹水佬榮的湯底好似好正！所以雖然自己無試過亦即管帶朋友去試試！即日打去估唔到咁好彩book到枱，準時7點我哋一行三人到達，即時有枱唔使等，叫咗佢最出名嘅雜菌花甲煲加肉蟹，本來細鍋應該夠食嘅三個女仔，但個職員話大煲好d，容易烚其他嘢食，咁好啦就叫咗個大煲。湯底一嚟到望到都覺得正，果然名不虛傳，好好味！蟹肉鮮甜，我倆位朋友亦好滿意，好在無令第一次打邊爐嘅佢哋失望！朋友A對鍋裡面嘅雜菌種類之多亦甚為驚喜。之後我哋亦叫咗嚮鈐，西洋菜，本地肥牛(細),六寶丸，蘿蔔，當中肥牛好好食，其他嘢就好一般。本來成餐飯都好滿意，食到尾我倆個朋友已經話飽停手，得我一個繼續食，當我夾起最後一邊蟹放到個碗度發現有條頭髮痴住隻蟹，當我用手將條頭髮拉出嘗試睇清楚，發現係條陰毛，當場無哂胃口，叫個經理過嚟傯佢睇，佢話唔好意思，即刻攞咗個碗走，然後問我食物到齊未，我話到齊，而家無胃口唔食喇，佢係咁問我飲唔飲嘢，我就話唔要，咁佢就上埋生果同甜品，跟住我叫埋單，個經理攞張單嚟竟然夠膽收我全價加一，我話起碼減咗加蟹嗰三佰幾蚊，因為隻蟹竟然痴住條毛，佢同我拗話係頭髮，但條毛
即日打去估唔到咁好彩book到枱，準時7點我哋一行三人到達，即時有枱唔使等，叫咗佢最出名嘅雜菌花甲煲加肉蟹，本來細鍋應該夠食嘅三個女仔，但個職員話大煲好d，容易烚其他嘢食，咁好啦就叫咗個大煲。
湯底一嚟到望到都覺得正，果然名不虛傳，好好味！蟹肉鮮甜，我倆位朋友亦好滿意，好在無令第一次打邊爐嘅佢哋失望！朋友A對鍋裡面嘅雜菌種類之多亦甚為驚喜。之後我哋亦叫咗嚮鈐，西洋菜，本地肥牛(細),六寶丸，蘿蔔，當中肥牛好好食，其他嘢就好一般。
本來成餐飯都好滿意，食到尾我倆個朋友已經話飽停手，得我一個繼續食，當我夾起最後一邊蟹放到個碗度發現有條頭髮痴住隻蟹，當我用手將條頭髮拉出嘗試睇清楚，發現係條陰毛，當場無哂胃口，叫個經理過嚟傯佢睇，佢話唔好意思，即刻攞咗個碗走，然後問我食物到齊未，我話到齊，而家無胃口唔食喇，佢係咁問我飲唔飲嘢，我就話唔要，咁佢就上埋生果同甜品，跟住我叫埋單，個經理攞張單嚟竟然夠膽收我全價加一，我話起碼減咗加蟹嗰三佰幾蚊，因為隻蟹竟然痴住條毛，佢同我拗話係頭髮，但條毛係攣㗎，咁大個人毛同頭髮唔識分咩？但我唔想同呢種唔承認錯誤嘅人拗，點知佢又再問我飲唔飲嘢，佢係咪傻㗎，你估而家係貪你請我飲嘢咩，跟住佢只肯減咗個加一服務費，最後我哋三個人俾咗$1080。
咁嘅衛生同死唔認錯嘅態度，好食都無用，絕對係等執！
Post