Be Leaf (Closed)

餐廳門口好吸引，充滿氣氛。未到12月就已經好有聖誕氣氛，滿滿嘅聖誕裝飾，播住聖誕音樂，好似提早過緊聖誕節咁歡樂。🎈是日餐湯南瓜湯冇特別調味，明顯飲到淡淡南瓜嘅鮮味。配搭埋脆脆嘅麵包，點上南瓜湯，十分之好味。🎈白酒牛油忌廉汁煮澳洲新鮮藍青口超級推薦，份量很充足，食材新鮮。滿滿嘅白酒香、汁底幼滑，重點係青口鮮甜，海味咸香。隻隻都大大件、肉質肥美juicy，有咬口！必點🎈BBQ熱溶芝士醬烤豬肋骨配薯條豬肋骨軟腍，BBQ醬再加上半溶嘅芝士，咬落去肉嫩又惹味，配搭薯條好合適。佢哋薯條見到佢有薯仔皮，係用真嘅薯仔切成的，唔係就咁買急凍一包包拎去烹調，睇得出佢哋對每樣食材都細心預備。🎈聖誕好夠薑（Hot Only)十分推薦！首先賣相吸引，仲有少少嘅薑餅可以放上杯面。佢係姜再加牛奶，再有香濃嘅雲呢拿味。飲落去好舒服好暖胃，佢嘅薑又唔係特別地辣，而係啱啱好容易入口。非常推薦，特別係天氣凍嘅時候想飲一杯，暖一暖胃嘅女生！🎈Grapefruit Summer柚子好有清新嘅感覺。甜度唔高，甜甜地又酸酸地，好refreshing，好飲🎈聖誕人氣魔法樹好有節日氣氛，有是的棍、硬糖做裝飾，蛋糕係用紅色做基底，加上綠