Cocina 3 Tapas Restaurant & Bar (Closed)

鵝肝蟹肉燕麥餅配黑魚子醬成晚最期待佢個鵝肝，呢個比較特別係配燕麥餅，估唔到鵝肝除左同多士好搭，同燕麥餅都好搭，另外佢仲有啲蟹肉同魚子醬，令呢碟前菜味道好豐富。芒果蟹肉沙律賣相一百分，整到成個蛋糕既形狀，面頭係好淺黃色既芒果肉，啲芒果冇酸味帶有少少香甜味，夾埋佢有少少咸既蟹肉食非常開胃。西班牙海鮮炒飯食西班牙菜點少得佢個海鮮炒飯，佢呢個係我食過最大碟，適合三至四人食，飯入面好多配料，除左最明顯既青口同大蝦，仲有好多一粒粒魷魚同蜆肉，非常足料。