Deluxe Bakery (Moved) New Location

屋企人係屋企附近間餅鋪買左四件西餅返黎，都幾正！呢四件西餅分別係芒果荔枝慕絲蛋糕、士多啤梨撻、藍莓芝士撻同藍莓乳酪蛋糕。每件都好別緻好靚，睇落好高級！芒果荔枝慕絲蛋糕食落好清新，芒果同荔枝味都出到，唔會話邊隻味特別搶。士多啤梨撻D士多啤梨幾甜，不過我比較重口味，下面啲吉士再甜D會更好！藍莓芝士撻同藍莓乳酪蛋糕就俾我個藍莓怪家姐食晒，佢話好好食，個配搭唔錯，但食完兩個有少少滯。