潮發粥麵茶餐廳

Open Now

Now Closed

聖誕節一家人去尖沙咀行街睇燈飾，因為近日大家食左好多油膩食物，女兒話唔想食飯，剛好在樂道見到潮發粥麵餐廳，大家都想食粉麵做晚餐，一致同意就齊齊入座去。餐廳裝修簡約，地方整潔。店內粥粉麵飯連小食都有。鮮蝦雲吞湯麵：雲吞皮滑餡料飽滿，隻隻都有鮮蝦，十分爽口，湯底鮮甜，麵質也很爽口。金錢肚湯麵，金錢肚炆煮得好入味，彈牙有口感！魚旦魚片湯麵：魚片魚旦都好爽口彈牙。有魚的鮮甜味！及第粥：材料有豬潤、豬腰、豬粉腸、豬心、肉丸。全部都新鮮美味，尤其是豬潤，爽脆口感一流。粥底綿滑。熱柚子蜜：韓式飲品，甜度適中。