La Parole (Closed)

平安夜🎄兼生日🎂，特別揀咗呢間餐廳，之前比較過其他餐廳，都係認為呢間平安夜嘅餐牌最啱食，好彩完全冇失望😅餐廳地點算係好方便，近地鐵、巴士、電車👍🏻食物方面，當晚只設5度菜嘅餐單，價錢算公道。而且如果唔講，真係唔似社企，食物好有水準，最重要由頭盤到甜品都係好食，真係有D喜出望外😄平安夜餐牌，每位$638+10%前菜1.日本松葉蟹、牛油果配龍蝦膏及多士前菜2.香煎香脆法國鵝肝配焦糖蘋果、蘋果醬蓉、伴海鹽。真心覺得好好味😋😋😋湯🥣法式龍蝦湯🦞味係ok，但湯入面完全冇龍蝦肉，少少失望😅前前菜：香煎緬因龍蝦配白酒榛子巴馬臣芝士忌廉汁😋幾特別嘅配搭，榛子、芝士忌廉汁好夾龍蝦🦞最重要龍蝦好新鮮、肉質彈牙，正👍🏻👍🏻👍🏻主菜1.香煎美國頂級安格斯肉眼配比利時苦白菜、法國巴約納火腿卷及新鮮石榴、秘制燒汁。可能係薄切牛扒，反而幾好食😋主菜2.香煎100%橡果西班牙黑毛豬伴時令蔬菜、菠蘿蓉燒汁。黑毛豬不會太硬，但又有質感，配菠蘿蓉亦好夾😋😋甜品1.香橙梳乎厘伴香橙雪葩。呢個有小小保留，梳乎厘嘅橙味不足，但將雪葩混入就好好多，但嘥左冇得就咁食雪葩😂😂甜品2.特色朱古力薄脆蛋糕伴比利時呍喱拿雪糕🍦呢個真係好好味