Video
Read full review
2022-07-07
686 views
Marathon ChickenSpice Level 5蕃茄湯底$118+10%第一次試揀normal range辣度，食唔到譚仔3小以上唔好食更辣嘅level(譚仔係戰鬥力標準，btw隔離嗰位客食level 30好勁)。揀左classic嘅蕃茄湯底同雞肉呢個組合，感覺上蝦湯底會夾海鮮多d？雞肉唔係煮到淋晒嗰種，所以肉質比較硬，唔可以用匙羹就分開，但又唔係煎香/炭燒嗰種香口，夾響中間唔上唔落咁，呢方面有待加強。但既然賣相望落比較似香口嘅話，煎香番/用炭火燒脆個皮，相信會好食好多。蔬菜有紅椒、西蘭花、蓮藕、茄子、南瓜同薯仔，整體份量唔多，味道算係不過不失。溏心蛋仲保持到蛋黃黏稠，冇醃製過唔同拉麵嘅蛋，比較食得出原味。但食咖哩，個汁先係主角，肉眼可以唔少煮到好甜嘅洋蔥碎、現蕃茄湯底相當夠味，甜味辣味平衡，相當唔錯。本身睇落以為份量好少，但食完都好飽肚。不過餐盤偏扁平闊身，食到一半比較難畢起湯汁(以傳統食法嘅話，將飯放響匙羹再浸落湯咖哩)，尾段食起上黎比較狼狽(但見有其他食客係用比較深嘅碗，有d係呢種碟，唔知係咪用揀邊隻肉有關？)。但總之算係響香港都可以食到水準合格嘅湯咖哩，以呢個價錢同地
Spice Level 5
蕃茄湯底
$118+10%
第一次試揀normal range辣度，食唔到譚仔3小以上唔好食更辣嘅level(譚仔係戰鬥力標準，btw隔離嗰位客食level 30好勁)。
揀左classic嘅蕃茄湯底同雞肉呢個組合，感覺上蝦湯底會夾海鮮多d？
雞肉唔係煮到淋晒嗰種，所以肉質比較硬，唔可以用匙羹就分開，但又唔係煎香/炭燒嗰種香口，夾響中間唔上唔落咁，呢方面有待加強。但既然賣相望落比較似香口嘅話，煎香番/用炭火燒脆個皮，相信會好食好多。
蔬菜有紅椒、西蘭花、蓮藕、茄子、南瓜同薯仔，整體份量唔多，味道算係不過不失。
溏心蛋仲保持到蛋黃黏稠，冇醃製過唔同拉麵嘅蛋，比較食得出原味。
但食咖哩，個汁先係主角，肉眼可以唔少煮到好甜嘅洋蔥碎、現蕃茄湯底相當夠味，甜味辣味平衡，相當唔錯。
本身睇落以為份量好少，但食完都好飽肚。
不過餐盤偏扁平闊身，食到一半比較難畢起湯汁(以傳統食法嘅話，將飯放響匙羹再浸落湯咖哩)，尾段食起上黎比較狼狽(但見有其他食客係用比較深嘅碗，有d係呢種碟，唔知係咪用揀邊隻肉有關？)。
但總之算係響香港都可以食到水準合格嘅湯咖哩，以呢個價錢同地段都叫合理(好掛住北海道海咖哩🫠用炭火燒脆左表皮嘅知床雞浸落湯咖哩，皮仲脆嗰時配埋咖哩，肉汁爆發超正😮💨)
Post
