Video
Read full review
2017-12-05
739 views
荃灣區嘅西餐廳之前都食過好幾間，大部分都係設計得幾有格調，同埋有吧枱飲酒，收工happy hour飲番幾杯之餘又兼做西餐咁。呢間位於福來邨附近嘅home，我地都係第一次黎，朋友已經食過，都話唔錯。地方唔細，不過一眼就望唔哂嘅，最特別就係近中心有張桌球枱呢。我地今日四個人黎，都食左幾樣野，幾飽肚，可能因為食物嘅份量都唔細啦，咁我地就坐左喺四人枱，地方未至於闊落，但都唔會覺得逼。燈光比較暗，適合啲人飲下酒傾下計咁，每張枱都有一盞枱燈，可以自行調較光暗我地點左小食拼盤，有洋蔥圈、魷魚圈、炸雞、雞翼同埋炸魚柳。賣相都幾嚇一跳，用摩天輪嘅造型裝住啲食物，幾特別，又可以影下相。拼盤都幾抵食嘅，因為單點點兩份，都已經叫到個拼盤，又可以試多幾款，而且我地四個人，樣樣野幾乎係人頭份，冇得爭。炸物就點都熱氣少少，不過呢度嘅小食都未至於好啃喉，或者燶哂咁啦。只係香口，比較好食係炸魚啦，魚塊好熱，食落夠滑。配上沙律醬、千島醬之類，冇咁熱氣。其他例如洋蔥圈都幾香口，幾好食比較期待係脆皮炸豬手，份量都幾大，好細心已經切好哂，起骨，我地只需要叉住食就可以。食落啖啖肉架，另外跟左蜜糖同芥茉醬，我自己就鐘意點芥茉醬，可
我地點左小食拼盤，有洋蔥圈、魷魚圈、炸雞、雞翼同埋炸魚柳。賣相都幾嚇一跳，用摩天輪嘅造型裝住啲食物，幾特別，又可以影下相。
拼盤都幾抵食嘅，因為單點點兩份，都已經叫到個拼盤，又可以試多幾款，而且我地四個人，樣樣野幾乎係人頭份，冇得爭。炸物就點都熱氣少少，不過呢度嘅小食都未至於好啃喉，或者燶哂咁啦。只係香口，比較好食係炸魚啦，魚塊好熱，食落夠滑。配上沙律醬、千島醬之類，冇咁熱氣。其他例如洋蔥圈都幾香口，幾好食
比較期待係脆皮炸豬手，份量都幾大，好細心已經切好哂，起骨，我地只需要叉住食就可以。食落啖啖肉架，另外跟左蜜糖同芥茉醬，我自己就鐘意點芥茉醬，可以有少少刺激嘅味道，又冇咁油膩。豬手幾入味，外皮好脆，好似食乳豬咁，我地每人食到兩至三大件
意粉、意大利飯方面，呢度比較特別啲，都可以自選，由配料、醬汁、飯定麵都自選的。
我地叫左兩款，一份係烤雞肉什菌帶子意大利飯，味道都唔錯，配左香草醬，雖然我自己本身唔係太鐘意食意大利飯，但朋友都話幾好食，香草醬又冇咁漏，味道唔錯，帶子都好大粒，厚肉有三粒，煎香左，值得加
另一份係煙三文魚菠菜苗寬條麵，配香辣蒜汁，煙三文魚砌成花，都幾靚嘅，加左啲菠菜、香辣味道好惹味，想食完一啖又一啖。
寬條麵唔會粉，所以食落口雖然有啲油，但我都會想再食
最後大家都食到好飽，收費唔算貴，平均二百度，坐低飲杯野，食下野都好適合。
尤其是閒日黎，冇weekend咁多人，幾舒服架
Post
