一喜‧拉麺

Open Now

Now Closed

石門都開左間好食既拉面! 餐廳位置坐得好闊落，晚市都幾多人食!拉面款式有雞白湯, 豚骨湯, 黑蒜油等等，再加埋期間限定款既拉面，選擇都幾多。呢到可以選擇埋面質既口感, 面款 仲可以簡埋濃稠度。雞叉燒醬油雞白湯拉面湯底望落好濃稠，食面前先飲湯，湯底有好清甜既雞味，感覺好多精華咁，有少少漿口。所以夾起D面個陣，仲會掛汁。配料有雞叉燒, 蔥同埋荀。雞叉燒外皮燒到好香，邊邊位仲會有脆口感覺。雞叉燒大塊而且厚身，好有鮮味。博多豚骨拉面 呢款簡左幼面, 湯底係奶白色，味道都係好濃厚，感覺充滿骨膠原，食完都唔會覺得好口乾。配料有叉燒, 木耳同蔥。叉燒有燒過，所以食落好香。我地各自都跟左套餐，加$30就有小食同飲品。小食有唐揚炸雞同埋羽根燒餃子3隻。餃子好食，皮薄多汁。