至尊滿屋日本料理 (Closed)

難得早收工，lunch又冇咩點食野，就約埋一班個胃係黑洞既朋友去食放題。 今次就去左瓊華中心既至尊滿屋放題，每位HKD 218加一。餐廳內面都坐冇虛席，要得一陣先有位。佢既食物好多元化，飲品種類繁多，亦有日本酒飲。我地刺身叫左三文魚，帶子，大赤蝦，甜蝦。刺身好大份，好新鮮，肉質鮮甜鮮嫩，味道唔錯。炸物小食叫左鹽燒牛舌，燒菠蘿，炸榴槤丸，牛油燒栗米，炸蟹蓋，芝麻雞翼，八爪魚。個人比較喜歡佢個牛舌，燒到啱啱好，有海鹽味，正。佢個燒菠蘿好好味，食落去好爽甜同埋酸酸甜甜好開胃。壽司叫左香芒龍蝦沙律卷，腐皮沙律船 (栗米沙律，蟹籽沙律，芒果沙律)，三文魚同吞拿魚壽司。佢啲壽司好得意，味道亦都唔錯。。甜品就要左movenpick strawberry口味既雪糕。