Video
Read full review
2011-07-29
18 views
早兩日心血來潮想食潮州野, 本來想落九龍城, 但朋友話對上一次去食得唔太開心, 咁冇計, 即刻上openrice睇下仲有冇邊度有水準既潮州菜啦, 發現呢間潮滙館新開冇耐, 見D食評都唔太差, 好!就去試下龍與鳳啦……揸車沿住openrice個地圖去, 都兜左一陣, 哦!原來就0係大中華條街, 門口仲好光猛tim, 最抵死門口可以泊到車。可能新開既關係, 地方都幾企理, 牆身用左舊街景做牆紙, 邊度黎呢??香港?澳門?廣州?就0係我地疑惑之際, 店員走過黎同我地講係汕頭黎既, 係wow, 潮州菜丫麻, 梗係用潮州景啦。一行五人點左五餸一湯鵝肝拼鵝片豉椒鮮鵝腸普寧炸豆腐潮陽梅羔骨春菜火腩煲咸檸檸燉鴨湯鵝肝拼鵝片鵝肝入口鬆軟, 散發出濃烈既鹵水香味,冇根, 好好味, 老實講, 終於知道咩叫齒夾留香, 到而家都仲掛住果種味道。鵝片火喉0岩岩好, 唔老, 肥廋適中, 鹵水香純。豉椒鮮鵝腸原本對呢樣餸麻麻地, 因為出街食親都係用左好多梘水去腌制, 令佢爽口, 大條d,但咁樣會令到佢本身鮮味都冇埋, 不過店員介紹話佢地絕對用新鮮鵝腸, 而且冇加任何TIM加濟, 為保持鮮味咁話wow….好!又試下你先
揸車沿住openrice個地圖去, 都兜左一陣, 哦!原來就0係大中華條街, 門口仲好光猛tim, 最抵死門口可以泊到車。
可能新開既關係, 地方都幾企理, 牆身用左舊街景做牆紙, 邊度黎呢??香港?澳門?廣州?就0係我地疑惑之際, 店員走過黎同我地講係汕頭黎既, 係wow, 潮州菜丫麻, 梗係用潮州景啦。
一行五人點左五餸一湯
鵝肝拼鵝片
豉椒鮮鵝腸
普寧炸豆腐
潮陽梅羔骨
春菜火腩煲
咸檸檸燉鴨湯
鵝肝拼鵝片
鵝肝入口鬆軟, 散發出濃烈既鹵水香味,冇根, 好好味,
老實講, 終於知道咩叫齒夾留香, 到而家都仲掛住果種味道。
鵝片火喉0岩岩好, 唔老, 肥廋適中, 鹵水香純。
豉椒鮮鵝腸
原本對呢樣餸麻麻地, 因為出街食親都係用左好多梘水去腌制, 令佢爽口, 大條d,但咁樣會令到佢本身鮮味都冇埋, 不過店員介紹話佢地絕對用新鮮鵝腸, 而且冇加任何TIM加濟, 為保持鮮味咁話wow….好!又試下你先, 鵝腸上到枱, 嘩!好大條呀, 好多膏呀。
急不及待夾起, 好多煙出黎, 夠晒鑊氣, 放入口, 好味, 爽口之餘仲好有鵝香, 真正既鮮鵝腸, 極力推介。
普寧炸豆腐, 朋友至愛, 首先介紹下呢個豆腐, 呢個豆腐唔同普通既豆腐, 唔知佢地用咩秘方,出面炸得鬆軟, 但裡面好似豆腐花咁滑,原來呢個就係普寧豆腐。
春菜火腩煲
春菜係真正既潮州菜, 真係潮州菜先會用, 佢有d似芥菜, 一般會用排骨去炆, 但呢度用火腩炆, 火腩既香味俾d春菜索晒, 春菜炆得好林, 掂呀!!!
潮陽梅羔骨
呢個有d似沙拉骨, 但當然唔係用沙拉啦, 好似用左酸梅, 又帶甜, 又唔似生炒骨個糖醋, 好特別。送飯可以食多碗。
咸檸檬燉鴨湯
咸檸七就飲過, 咸檸鴨湯都係第一次, 每盎用四分一隻鴨去燉, 火喉足之餘感覺好清新, 消滯補身。
五個人攪掂晒五餸一湯, 好想食甜品, 不過個肚冇晒位喇, 呢餐食得好滿足, 下次一定返黎……
Post