鳥山名

Open Now

Now Closed

鳥山名係愉景新城較入位置，半開放式，位置寬敞，坐得舒服。食物質素不錯，有晚市大放送優惠，尤其是個鍋物，抵播👍🏻。當然要食刺生啦😋，仲有至愛生蠔🤤，價錢合理。🦪法國普斯生蠔 $88/3隻先海水味，鮮，最後甜。唔算細隻，肉厚，易入口，加啲鮮檸已非常好味。🍣石桓鯛薄切壽司 $28/件鯛丫，白肉魚鮮甜，完全唔腥，十分美味🤤。🍣刺身三點(油甘魚/帆立貝/赤海老) $58有至愛油甘魚，厚切，肉質靚。赤海老大隻，甜。🍲安格斯牛肉火鍋 $108見到唔少人叫，又有優惠價，必叫。安格斯肉質有保證，大塊。下面菜底，湯頭偏甜，生熟度自己決定，沾埋半生蛋，美味。🍱銀雪魚西京燒定食 $189油脂豐滿，口感滑溜，西京燒偏咸，送飯一流。