BTS美食站

Open Now

Now Closed

九龍城真係有好多泰國餐廳，每次黎到都眼花繚亂，今次就試咗呢間BTS美食站。BTS係泰國嘅鐵路🚈，所以餐牌都用左鐵路嘅設計😆。間鋪好易認，門口有個好cute嘅吹氣公仔係度招手😂。 🍴泰式雞絲海蜇沙律$87成兜大部分都係海蜇，開心☺入面仲有雞絲、青木瓜同紅蘿蔔。海蜇同蔬果都好爽口。酸酸辣辣好開胃😋 🍴泰式鐵板蠔餅$124呢個蠔餅係炸嘅做法，個蛋炸到好篷鬆蠔仔飽滿又大粒！表面灑咗椒鹽粉，仲有配埋泰式辣醬，好惹味份量超大，5,6個人食都足夠阿。 🍴泰式鮮蝦炒粉絲$89粉絲炒得好好，好乾身👍配料有蝦、爽脆芽菜、炒蛋同豆干酸酸甜甜嘅調味，加埋畫龍點睛嘅花生碎，令到個炒粉絲好香口🤩。 🍴泰式濕炒海鮮河$86好足料好多海鮮阿！有帶子、魷魚、鮮蝦。汁料同河粉係分開裝嘅，返到屋企先倒埋一齊，唔會令到河粉腍晒。河粉滑溜有彈性，醬汁調味都好好。 見到晚市都好多人等位，想食就要預早去或者嗌外賣喇。