金田家 (Closed)

今晚去咗金田家拉麵到食嘢。首先，一行到入去鋪頭裏面，到處都係日本嘅風格，有好多日本風格嘅燈飾同壁畫，令人置身於日本嘅居酒屋。本身就好期待嚟金田家食嘢，因為聽聞呢間係喺日本都好出名嘅拉麵店。今次就點左比較特別嘅拉麵，係柚子辛口拉麵，將水果口味融入拉麵度真係好創新，而味道好清新。湯底又濃郁之餘帶一陣柚子嘅香味，又有少少嘅辣味，呢個拉麵真係好特別。係碗拉麵追加左黑豚肉同腩肉叉燒，黑豚肉好大塊，而腩肉又有火炙嘅味道好香好好食。除咗拉麵之外仲有叫小食招牌嘅男爵薯餅同埋山葵蛋黃醬餃子。薯餅有兩舊，有兩種口味，一款係薯蓉同牛肉，令一款係紫薯同栗子。兩款都好好食，外皮炸到香口鬆脆，而且佢個沙律醬係特製嘅，用嚟點薯餅一流！而餃子嘅特別之處就係嗰醬係有Wasabi味嘅蛋黃醬，同餃子好夾。飲品就叫咗特飲嘅薑汁柚子梳打。有好多柚子蜜，都好好味㗎！