幸福駅 (Closed)

吉列豬扒三文治好厚切既豬排呀！雖然好厚身但係唔會話整到好乾，而家經我影完一輪相之後食落都仲係好香脆。加埋吉列醬汁同芥末醬就更加好味啦。明太子玉子燒熱辣辣的玉子燒香甜嫩滑，蛋香味濃郁，口感綿密，絕對拍得住出面日式餐廳。而家價錢好平民，抵食！全部野都係即叫即整，就算係小店都絕對無馬虎。冷泡茶猶豫左桂花烏龍茶同玫瑰蕎麥綠茶好耐，之後揀左比較少見既玫瑰蕎麥綠茶，佢地既冷泡茶全部都係無糖夠健康，淡淡花香味已經好正！