Video
Read full review
2013-08-27
821 views
2個人食飯, 一般不會選擇放題, 因為2個人食飯…會要求食物質素比較高及座位舒適的餐廳(放題餐廳座位一向比較逼)................就是因為太耐沒有食日式放題, 今晚就同屋企人一齊去試下.我同屋企共4個人, 以為放題餐廳座位比較逼, 但金田座位反而比較寬敞, 同屋企人去食飯, 傾下計幾舒服. 一坐低待應就比茶同wasabi, 服務算唔錯. 有汽水, 啤酒任飲.刺身三文魚 - 一個字鮮! , 厚切鮮甜甜蝦 - 較細隻海螺片 - 切得幾大片, 幾鮮甜劍魚腩 - 爽口, 新鮮仲有針魚, 鱆紅魚, 立魚, 希靈魚籽等等…都好新鮮…太多款, 記唔到啦!串燒牛舌串 – LIKE! 厚切嘅牛舌, 爽口唔韌, 非常香口牛仔肉串 - 啖啖肉, 又juicy雞軟骨串 - 燒得比較乾, 味道一般.帆立貝串 - 好鹹, 冇鮮味其他串燒味道都有水準, 因為係落單即燒, 所以熱辣辣, 相對會比較好食d.鐵板燒牛柳粒 - 牛柳太細粒, 太乾, 唔LIKE薄燒牛肉 - 味道一般, 都係太乾炒雜菜 - 咁普通既菜, 老公出奇地鍾意, 話味道好好魷魚鬚 - 好鹹青口 - 肉大新鮮!燒物秋刀魚, 鯖魚 - 可能
我同屋企共4個人, 以為放題餐廳座位比較逼, 但金田座位反而比較寬敞, 同屋企人去食飯, 傾下計幾舒服. 一坐低待應就比茶同wasabi, 服務算唔錯. 有汽水, 啤酒任飲.
刺身
三文魚 - 一個字鮮! , 厚切鮮甜
甜蝦 - 較細隻
海螺片 - 切得幾大片, 幾鮮甜
劍魚腩 - 爽口, 新鮮
仲有針魚, 鱆紅魚, 立魚, 希靈魚籽等等…都好新鮮…太多款, 記唔到啦!
串燒牛舌串 – LIKE! 厚切嘅牛舌, 爽口唔韌, 非常香口
牛仔肉串 - 啖啖肉, 又juicy
雞軟骨串 - 燒得比較乾, 味道一般.
帆立貝串 - 好鹹, 冇鮮味
其他串燒味道都有水準, 因為係落單即燒, 所以熱辣辣, 相對會比較好食d.
鐵板燒
牛柳粒 - 牛柳太細粒, 太乾, 唔LIKE
薄燒牛肉 - 味道一般, 都係太乾
炒雜菜 - 咁普通既菜, 老公出奇地鍾意, 話味道好好
魷魚鬚 - 好鹹
青口 - 肉大新鮮!
燒物
秋刀魚, 鯖魚 - 可能即燒原因, 所以等左30分鐘先出, 但真係好好味
羊鞍 - juicy得黎又唔羶, 唔錯
三文魚頭 - 個人喜歡食魚頭, 覺得唔錯
忌廉焗蠔 - 如其他食評一樣, 蠔肉太細, 忌廉太多, 似食忌廉
都係果句 “落單即燒, 所以熱辣辣, 相對會比較好食d. ”
天婦羅婦羅蝦, 天婦羅蟹捧 – 10 x LIKE炸漿非常認真, 唔係翻炸, 值得一讚
天婦羅蕃薯, 茄子, 南瓜 - 10 x LIKE大件, 炸漿份量夠, 好味!
所有天婦羅跟埋蘿蔔蓉, 非常正宗!
炸物芝士年糕 - 個年糕好煙韌, 芝士味香, 唔錯.
吉列蠔 - 蠔肉大隻, 啖啖肉 LIKE!
腐皮卷 - 好好食, 出面未食過
一品料理
牛油帆立貝 - 無牛油味, 肉細
日式燉蛋 – 好大碗, 味道一般, 賣相差
粒粒粟米 – 粟米帶香濃嘅牛油味! 正!
枝豆 - 可以慢慢食, 傾下計!
今時今因放題都係翻叮翻炸減省制作時間, 很少放題會落單即燒即炸, 誠意十足, 值得加許, 但食物賣相就一般, 要睇下你要求食物味道多d定係賣相多d.原來寫放題都幾辛苦, 因為種類多. 其實仲有好多食物未寫, 今次寫得咁辛苦都係想讚一下, 又想同一眾朋友同食友分享! 哈哈! 辛苦d 都值得!
Post
