石澳泰

Open Now

Now Closed

假期一家人到石澳，第3次幫襯石澳泰，今次第一次寫吓食評。雖然天陰但假期關係，午飯時間都坐咗7成人左右，我哋因為帶左狗仔所以坐在餐廳外。青木瓜沙律🥗：好清新，不算太辣，少有地加了蕃茄仔，另帶有花生碎增加口感。豬肉碎生菜包：炒過的豬肉碎加咗紫洋蔥、芫荽、辣椒🌶️,份量亦多，惹味，味道符合香港人口味，不會煮得太辣。乾炒雞肉河粉：加咗蔬菜、鷄肉和蛋同炒，餸多過河粉，幾好食。炭燒豬頸肉：呢個餸個靈魂一定係個醬汁度。話雖如此，但豬頸肉彈牙爽口，醬汁有兩款酸甜醬及泰式辣醬。香茅冰，菠蘿冰，兩杯都好飲，真的好重菠蘿味和香茅味。芒果糯米飯: 雙色糯米飯，芒果🥭都幾甜。埋單價錢實惠。