幸福駅 (Closed)

一向好鍾意食玉子燒今日經過深水埗無意中發現呢間專食玉子燒的小店，忍唔住買左一舊試下。點左一客飛魚子玉子燒，佢地係即叫即整，要等幾分鐘，不過冇所謂啦，新鮮啲熱啲好食啲。幾分鐘後，熱辣辣既飛魚子玉子燒有得食。首先，蛋既質地同口感都唔錯，夠彈牙，又唔會太過鬆散。味道方面，岩岩新鮮整既，熱辣辣，好有蛋味，甜味適中，整體都唔錯。上面加左凍既飛魚子，一凍一熱，食落有驚喜，加上飛魚子有少少辣，食落都好有層次。總結，以小店黎講算係有誠意之作，食物水平都中上，食得過。