一碗 (Closed)

有著么鳳背景的一碗，早前已經在姊妹店旁邊開設了粥麵店，並希望能以高質素的出品，招徠附近的上班一族。今次有機會一試旗下的部份出品，的確是一間有心的食肆，只可惜服務員愛理不理，行行企企的表現，在下只能真心直說。餐前先來一杯凍豆漿 $14，是自家磨製，喝一口味道雖然濃郁，但是可以更濃稠一些。牛坑腩麵 $44是取材自本地牛肉，成本自然重，但炆得夠腍，草果八角的香味淡淡然幾討好，加上幾片清甜的蘿白及灑少許蝦籽，令味道更添咸香，而麵條有少許鹼水味，但可以接受。炸兩 $26有點貴，雖然用料好，但想到牛腩麵跟他相差只不過十幾蚊，似乎有點不合理。豬膶肉丸粥 $46其實用料不錯，用的是黃沙膶，吃起來粉嫩的，淥的時候拿捏得幾準，肉丸就似乎大路了一點。小食拼盆是炸雲吞及鯪魚球 $38，即叫即炸，熱辣辣，雲吞色渾金黃而鯪魚球柔韌有彈性。瑤柱蟹皇粥 $68其實反而最抵，一隻蟹都要三幾十蚊，原隻上，相比下最化算，蟹有膏香，但粥底可能經長時間熬煮，變得比較杰身，個人一向偏好廣東的質感，其實味道是不錯的。整體而言是有水準及誠意的粥麵舖，只是訂價有點奇怪，希望能注意一下。