Video
Read full review
2014-08-05
2683 views
今日放工同朋友落開長沙灣，順便食埋晚飯，見附近有間「泰」國菜，而且有26個個笑臉，一於入去試下～門面唔算出眾，一入去就有條木製長樓梯通上2樓環境不錯，微暗嘅燈光，加上牆身佈置，帶點歐陸情懷，感覺relax侍應遞上餐牌後不久，老闆就過黎問我地係咪第一次去/想食邊類同推介一些招牌菜比我地，好熱情～老闆推介我地食燒魚，有鰂魚同烏頭兩種，但落單侍應話魚已經信罄了，實在可惜，唯有再揀過其他～最後我地叫咗小食拼盤，飛天炒通菜同波蘿炒飯等得唔算耐，首先黎到嘅係炒菜飛天炒通菜（$55）通菜嫩綠，份量頗多蝦醬味香濃但不會過咸，非常惹味加上油份適中，食落爽口不過對於我地兩個唔太食得辣嘅人黎計，都幾辣. . 菠蘿炒飯（$50）上菜時見到雖然賣相一般，唔係原個菠蘿上有點失望，但未食已經聞到陣陣咖哩香材料包括咗菠蘿肉，肉鬆，臘腸，蛋，雞肉，雜豆，提子干等. . .用料頗多，但最欣賞反而係d飯，帶少少黏口，又不至於太軟，淡淡咖哩味，不會蓋過其他食材嘅味道，咸甜夾雜，味道豐富小食拼盤（$75）包括咗：蝦餅2件，魚餅3塊及春卷3條，全部一分為二蝦餅蝦膠尚算彈牙,炸得鬆脆，但由於比較細件唔夠厚身，加上炸粉相對較多，影響
見附近有間「泰」國菜，而且有26個個笑臉，一於入去試下～
門面唔算出眾，一入去就有條木製長樓梯通上2樓
環境不錯，微暗嘅燈光，加上牆身佈置，帶點歐陸情懷，感覺relax
侍應遞上餐牌後不久，老闆就過黎問我地係咪第一次去/想食邊類同推介一些招牌菜比我地，好熱情～老闆推介我地食燒魚，有鰂魚同烏頭兩種，但落單侍應話魚已經信罄了，實在可惜，唯有再揀過其他～
最後我地叫咗小食拼盤，飛天炒通菜同波蘿炒飯
等得唔算耐，首先黎到嘅係炒菜
飛天炒通菜（$55）通菜嫩綠，份量頗多
蝦醬味香濃但不會過咸，非常惹味
加上油份適中，食落爽口
不過對於我地兩個唔太食得辣嘅人黎計，都幾辣. .
菠蘿炒飯（$50）上菜時見到雖然賣相一般，唔係原個菠蘿上有點失望，但未食已經聞到陣陣咖哩香
材料包括咗菠蘿肉，肉鬆，臘腸，蛋，雞肉，雜豆，提子干等. . .
用料頗多，但最欣賞反而係d飯，帶少少黏口，又不至於太軟，
淡淡咖哩味，不會蓋過其他食材嘅味道，
咸甜夾雜，味道豐富
小食拼盤（$75）包括咗：蝦餅2件，魚餅3塊及春卷3條，全部一分為二
蝦餅蝦膠尚算彈牙,炸得鬆脆，但由於比較細件唔夠厚身，加上炸粉相對較多，影響口感
魚餅薄身一片，香葉味一般濃烈，口感較腍，由於對香葉既味道一般，所以覺得麻麻
春卷炸得金黃鬆脆，皮夠薄，包著粉絲，木耳絲，蘿白絲及肉碎等材料，內裹較為濕潤
整體食物質素不錯，菠蘿炒飯十分有驚喜，而且價錢唔貴，2人埋單$180無需加1收費～
老闆推介嘅燒魚都只係$80-$85，值得下次再黎試下～
Post
