九份•十分 (河畔花園) (Closed)

突然間想食台灣野，近近地就去左沙田圍既「九份·十分」。餐廳既裝修模仿九份十分既車站，入到去充滿住台灣既感覺，好似置身台灣中！食物多款式，餐牌上有台灣出名的牛肉麵，肉燥飯，另外有小菜，醉雞，涼拌小食，滷味等等。飲品當然唔少得珍珠奶茶，特式沙冰等等。今次就叫左紅燒半筋半肉牛肉麵，湯底十分濃，牛肉同牛筋份量都好多好入味，牛肉有咬口唔會好’un’!酥炸雞排肉燥飯，雞排炸得脆口充滿肉汁！肉燥配飯係最佳配搭，令人想食多幾碗飯😅台灣腸即叫即製，熱辣辣好香口，食落唔會話得啲肉有少少油脂，幾好味！今次仲試左芝士磨菇釀雞翼，外皮香脆，一咬啲芝士流出黎同磨菇好夾，值得一試！飲品就叫左杯海綿寶寶，係用芒果打成沙冰，大大杯好濃既芒果味，抵飲！