Video
Read full review
2022-07-27
421 views
呢間餐廳雖然唔係經常嚟，但好多時要喺鑽石山附近搵嘢食，都會諗起去呢度。呢度除咗食物款式選擇多之外，價錢都真係幾平！1-2年前，呢度的全日早餐只係<$40，我真係未見過平得過佢架喇，而且佢啲飲品選擇都多元化，記得有次嗌過貓屎咖啡，有一次係話梅茶，總之就唔係一般餐廳會提供的飲品選擇。事隔1年，又再嚟呢度食嘢，而我第一樣留意到嘅係：食物的價錢大幅提升咗呀！而家一個全日早餐係$55，以前價廉物美的光境不復再。今次2個人點咗一個全日早餐，一個蟹柳沙律午餐，其中一杯飲品就加咗錢飲凍薑茶特飲（好似係薑桃茶？）。全日早餐睇餐牌係有薯餅，但嚟到就變咗得少量薯條，落單時侍應冇講有呢個改動。其他食物都算豐富，不過好多都係得半份，例如：厚多士同埋司華力腸，都只係半件/半條。雞扒同沙律睇落同以前份量差唔多，所以整體嚟講，我覺得加價的幅度未免有啲進取。。。而沙律就係一個唔錯的選擇，始終我覺得呢間餐廳的定位係夾咗喺「餐廳」同「茶餐廳」之間，所以當我當自己係去茶餐廳開餐而又能夠點到沙律的話，我覺得係幾滿意同意外既。沙律菜新鮮，份量亦足，而芝士牛角包係迷你版，食完成個餐都夠飽。呢個午餐好似係$50。至於杯薑味特
事隔1年，又再嚟呢度食嘢，而我第一樣留意到嘅係：食物的價錢大幅提升咗呀！而家一個全日早餐係$55，以前價廉物美的光境不復再。
今次2個人點咗一個全日早餐，一個蟹柳沙律午餐，其中一杯飲品就加咗錢飲凍薑茶特飲（好似係薑桃茶？）。
全日早餐睇餐牌係有薯餅，但嚟到就變咗得少量薯條，落單時侍應冇講有呢個改動。其他食物都算豐富，不過好多都係得半份，例如：厚多士同埋司華力腸，都只係半件/半條。雞扒同沙律睇落同以前份量差唔多，所以整體嚟講，我覺得加價的幅度未免有啲進取。。。
而沙律就係一個唔錯的選擇，始終我覺得呢間餐廳的定位係夾咗喺「餐廳」同「茶餐廳」之間，所以當我當自己係去茶餐廳開餐而又能夠點到沙律的話，我覺得係幾滿意同意外既。沙律菜新鮮，份量亦足，而芝士牛角包係迷你版，食完成個餐都夠飽。呢個午餐好似係$50。
至於杯薑味特飲，我覺得佢好有薑味，好「辣」，真材實料。之不過作為凍飲，佢其實有少少奇怪。始終飲得凍嘢都唔預咗咁「滋補」，何況天時暑熱？係有少少矛盾既~~
至於餐廳的衛生同服務，係我光顧咁耐以嚟都好難話係滿意既一環。呢度生意太好，侍應太忙，有時都照顧唔到咁多檯客。衛生方面，我覺得真係有好大的進步空間，啲櫈腳都幾污糟，今次我亦見到部分侍應執檯時係將啲細碎的食物殘渣掃落檯底，呢點真係要改呀！我今次坐的卡位，地下亦有一嚿體積唔細的垃圾，令我唔夠膽坐入啲，只係挨住通道果邊坐。希望下次嚟，除咗唔會加價外，環境衛生都做得足啲啦！
Post
