Video
Read full review
2023-07-12
76 views
朋友介紹我嚟呢間餐廳一齊食晚餐，話有live Band睇，環境佈置真係令我好友驚喜，因為佢上面有好多小燈泡，隔離有擺咗好多植物，營造到小叢林嘅感覺，小燈泡在背景影得好靚，加上木製嘅環境令人覺得好舒服Live band 有三個女仔，一個男仔唱，大家都唱得好好聽，主要係唱普通話歌同埋廣東話歌前菜小火山三味刺身一口杯盛盒 $138其實係見到隔籬枱食，所以就叫返個嚟試吓，賣相靚！有泰國刺身蝦，上面有辣椒、蒜頭片配苦瓜，我就冇食到辣椒嘅，所以食到蝦嘅鮮味，三文魚🍣捲到好似花咁；生蠔上面有泰式醬料，好大粒！泰國烤鍋 $298湯底：左右兩邊有兩種湯底，一種係椰子雞湯，另一種係泰國船河湯底。兩種都好好食，我個人比較鍾意椰子雞湯，因為佢都有少少泰國嗰種酸辣，攞嚟做湯底就好唔錯。肉類：可以選擇打邊爐或者烤肉，我哋就烤肉美國安格斯下肩胛翼板肉切得好靚，妥妥的長方形，而且唔會厚，擺上盤好靚，咬口好堅實伊比利亞黑毛豬梅花肉黑毛豬梅花肉花紋令，而且比較長身，煎兩煎就好快熟美國手切封門柳不嬲都好鍾意食封門柳呢一個部位，因為佢比較彈牙，而且牛味重，煎嘅時候仲有陣陣嘅牛味手切泰式豬頸肉 $78豬頸肉好厚身，而且份量都幾
Live band 有三個女仔，一個男仔唱，大家都唱得好好聽，主要係唱普通話歌同埋廣東話歌
前菜
小火山三味刺身一口杯盛盒 $138
其實係見到隔籬枱食，所以就叫返個嚟試吓，賣相靚！有泰國刺身蝦，上面有辣椒、蒜頭片配苦瓜，我就冇食到辣椒嘅，所以食到蝦嘅鮮味，三文魚🍣捲到好似花咁；生蠔上面有泰式醬料，好大粒！
泰國烤鍋 $298
湯底：左右兩邊有兩種湯底，一種係椰子雞湯，另一種係泰國船河湯底。兩種都好好食，我個人比較鍾意椰子雞湯，因為佢都有少少泰國嗰種酸辣，攞嚟做湯底就好唔錯。
肉類：
可以選擇打邊爐或者烤肉，我哋就烤肉
美國安格斯下肩胛翼板肉
切得好靚，妥妥的長方形，而且唔會厚，擺上盤好靚，咬口好堅實
伊比利亞黑毛豬梅花肉
黑毛豬梅花肉花紋令，而且比較長身，煎兩煎就好快熟
美國手切封門柳
不嬲都好鍾意食封門柳呢一個部位，因為佢比較彈牙，而且牛味重，煎嘅時候仲有陣陣嘅牛味
手切泰式豬頸肉 $78
豬頸肉好厚身，而且份量都幾多，呢個係出乎我意料之外嘅，同埋豬頸肉唔可以煎太熟，否則就會好韌，所以我哋都係煎咗5分鐘左右，口感非常好
蝶豆花芒果糯米飯 $68
呢個擺相係幾靚，而且$68嚟講都幾多下，有五件，啱晒用嚟打卡，芒果好甜，糯米飯都煮得夠黏
蔬菜拼盤 $88
有生菜、蕃茄、小棠菜、通菜、粟米。正路要有嘅蔬菜都有，可以擺喺兩個唔同湯底入面
金邊粉 $22
兩餅金邊粉，擺相靚
Post
