皇子印度餐廳 (海富樓)

Open Now

Now Closed

到西灣河探朋友後，一齊去食 lunch。朋友知道我愛印度美食，就帶我去見"皇子"。估吾到都幾旺場喎，等左十分鐘左右就有位啦。午市套餐都有多款選擇，可以根據個人喜好選擇不同辣度。50多蚊就有交易，又吾使加一，抵食！餐湯雖然清淡，但味道不錯。剛烤好嘅印度薄餅大大份，熱辣辣，香軟中帶一小點香脆，用來沾咖哩食，無得頂呀。最窩心係無限添加。千層餅好鬆化，帶少少甜，好好味就值得推介。如果同樣任食就更perfect啦！咖哩雞同咖哩羊仔腩都是小辣。咖哩汁香濃惹味，雞肉同羊仔腩肉質腍且盡吸咖啡汁香味，薯仔也是粉腍的。肉和薯仔嘅份量也不少。會再去光顧的！