Video
Read full review
2024-09-10
81 views
平時搭車出市區食嘢就多，入屯門反而比較少，轉埋輕鐵就真係五隻手指數得晒lol不過咁啱朋友住附近，所以就入去見下順便响附近買嘢食番屋企啦！行咗一個圈見到呢間鋪頭有好多唔同類型嘅小食同甜品，就決定買番去試下～煎餅果子加爽脆豬頸肉及芝士本身煎餅已經有雞蛋，薄脆同西生菜，今次加埋豬頸肉同芝士，分量好足！豬頸肉有七八塊，真係啖啖都有肉仲要幾juicy！配沙律醬好香，淨係睇相就知佢地連醬都起勢咁落，真係想減肥都難lol值得一提既係老板娘知道我搭輕鐵過黎買即刻用盒幫我裝住煎餅，真係好細心桂花河粉布甸碗呢個見其他人叫所以又叫～桂花河粉淡黃色好靚，食落有好香既桂花味，加埋原味布甸，小丸子，西米同爆珠真係好豐富呀！小丸子都幾煙韌，本身唔好爆珠，但原來加埋一齊食好夾，椰汁可以番到屋企慢慢加好貼心！呢個價錢有咁多配料幾抵！套餐鴨屎香手打檸懞茶買煎餅果子/可麗餅加購野飲有得減十蚊，成件事變得好抵！大大杯仲要老板娘起勢咁整，好有誠意！食咗咁多野飲番杯檸茶中和下好正抹茶可麗餅呢個係老板娘推介既～價錢黎講唔算好平，但係d餡料真係好多！我專登咬咗兩啖先影相，抹茶粉下面有層奶蓋，下面係抹茶奶酪，然後底層有Oreo碎、cr
行咗一個圈見到呢間鋪頭有好多唔同類型嘅小食同甜品，就決定買番去試下～
煎餅果子加爽脆豬頸肉及芝士
本身煎餅已經有雞蛋，薄脆同西生菜，今次加埋豬頸肉同芝士，分量好足！豬頸肉有七八塊，真係啖啖都有肉仲要幾juicy！配沙律醬好香，淨係睇相就知佢地連醬都起勢咁落，真係想減肥都難lol
值得一提既係老板娘知道我搭輕鐵過黎買即刻用盒幫我裝住煎餅，真係好細心
桂花河粉布甸碗
呢個見其他人叫所以又叫～桂花河粉淡黃色好靚，食落有好香既桂花味，加埋原味布甸，小丸子，西米同爆珠真係好豐富呀！
小丸子都幾煙韌，本身唔好爆珠，但原來加埋一齊食好夾，椰汁可以番到屋企慢慢加好貼心！呢個價錢有咁多配料幾抵！
套餐鴨屎香手打檸懞茶
買煎餅果子/可麗餅加購野飲有得減十蚊，成件事變得好抵！大大杯仲要老板娘起勢咁整，好有誠意！
食咗咁多野飲番杯檸茶中和下好正
抹茶可麗餅
呢個係老板娘推介既～價錢黎講唔算好平，但係d餡料真係好多！我專登咬咗兩啖先影相，抹茶粉下面有層奶蓋，下面係抹茶奶酪，然後底層有Oreo碎、cream同香蕉，真係好豐富！
本來諗住會好甜，但係抹茶奶酪同抹茶粉既甘香中和咗個甜味，所以甜度完全係可接受。最鍾意既係佢既packing,真係可以俾客人好好保護可麗餅番屋企，住遠d都唔驚！
作為一間小店會咁認真咁研究包裝，又好細心咁留意個客既需要，真係好值得支持！雖然住得唔算近但都會願意再過黎幫襯～
Post
