Video
Read full review
2019-03-31
35 views
朝早要去藍田做野，做到點幾兩點至食飯，好好好肚餓...入咗啟田商場見到呢間鋪都多人排隊，望望餐牌見有滷肉飯食想試下，就同朋友揀咗呢度食。小食同車仔麵既餸都有唔少選擇，我地2個餓底除咗叫滷肉飯（＄29）同車仔麵（＄49），仲點咗2種雞翼（各＄19）同酸齋（＄15），成枱野食好豐富😍首先講咗自己既滷肉飯先，每粒豬肉都好肥美，而且肉汁豐富香濃，不錯！朋友碗烏冬的番茄湯底有好多番茄粒，酸酸地好開胃！魷魚口感爽脆，而脆味豚爽肉厚身兼爽口，同埋會另上，唔怕比d湯浸淋哂。小食入面既2款雞翼都唔錯，油炸鬼雞翼一咬落去好香油炸鬼味；而孜然雞翼既孜然香夠重，外皮乾脆。至於用麵根做既酸齋好入味，份量亦唔少！飲品就係雪碧同黑芝麻豆漿，豆漿有淡淡既芝麻香，感覺健康~
入咗啟田商場見到呢間鋪都多人排隊，望望餐牌見有滷肉飯食想試下，就同朋友揀咗呢度食。
小食同車仔麵既餸都有唔少選擇，我地2個餓底除咗叫滷肉飯（＄29）同車仔麵（＄49），仲點咗2種雞翼（各＄19）同酸齋（＄15），成枱野食好豐富😍
首先講咗自己既滷肉飯先，每粒豬肉都好肥美，而且肉汁豐富香濃，不錯！
朋友碗烏冬的番茄湯底有好多番茄粒，酸酸地好開胃！魷魚口感爽脆，而脆味豚爽肉厚身兼爽口，同埋會另上，唔怕比d湯浸淋哂。
小食入面既2款雞翼都唔錯，油炸鬼雞翼一咬落去好香油炸鬼味；而孜然雞翼既孜然香夠重，外皮乾脆。
至於用麵根做既酸齋好入味，份量亦唔少！飲品就係雪碧同黑芝麻豆漿，豆漿有淡淡既芝麻香，感覺健康~
Post
